Musikarien patroiaren biharamunean, azaroaren 23an, herriko musika talde gehienak edo guztiak kalean gora eta behera ibili ginen gure doinuak zabalduz, eta eguraldi txarrari aurre eginez. Zumarragako eta Urretxuko txistulariak Iparragirre Balerdi musika tailerrarekin batera aritu ginen eta duela gutxi hildako Ramon Esnaola oroitu genuen.
Gurruchagaren 'Goizeko Izarra' eta 'Tomas Acebal, El Bala' piezez gainera, Ramon Esnaolaren 'Agerre' biribilketa prestatu genuen bereziki egun honetarako. Jesus Castillejo, musika tailerreko zuzendariak, egin zuen bandarako moldaketa, denok elkarrekin jo genezan.
Iratzarri dultzainariak, berriz, Zumarragako Udal Bandarekin batera aritu ziren.
Gotzon Aranburuk, ohi duen bezala, bideoan jaso zituen talde guztien emanaldien zati bat edo beste. Jarraian ikusi dezakezue egun hartatik egindako bilduma.
Mostrando entradas con la etiqueta Iparragirre-Balerdi musika tailerra. Mostrar todas las entradas
Mostrando entradas con la etiqueta Iparragirre-Balerdi musika tailerra. Mostrar todas las entradas
9 de diciembre de 2013
8 de octubre de 2013
Ramon Esnaola musikari eta konpositore urretxuarra hil da
Ramon Esnaola, konpositore eta musikari urretxuarra, hil da gaur 96 urte zituela. Hileta elizkizuna, bihar, urriak 9, izango da 19:00etan Urretxun.
1917. eko azaroaren 2an jaio zen Ramon Urretxuko Jauregi kalean. Musika ikasketak oso gaztetan hasi zituen Beasainen, bertara joan baitzen umetan familiarekin bizitzera. Ondoren, 1932an, Zumarragan jarri zuen bere bizitokia eta, gaur egun, Jose Mari Lasa izeneko plazan bizi zen Jesusa emaztearekin batera.
Flauta, flautina, klarinetea, saxofoia, txistua, pianoa... Musika tresna pila bat jotzeko gai zen. Zumarragako Musika bandan jotzen aritu izan zen eta Urretxuko Iparragirre-Balerdi musika tailerreko zuzendari ere izan zen urte pila batetan.
Urretxuko txistulari askorentzat, laguna izateaz gainera, maisua ere izan zen: berak erakutsi zigun gutako askori txistua jotzen. Batzuei 1960. urtearen inguruan, Urretxuko Txistu Taldea sortzera zihoanean eta beste batzuei, 20 urte beranduago, Secundino Musika Eskolako irakasle izan zenean.
Horrez gainera, konposizio lanetan ere aritu zen. Biribilketa eta zortziko pila bat sortu zituen eta Urretxuko baserrien izena jarri zien askori. Musika bandarekin jotzek pare bat pieza ere idatzi zituen. Bere lan guztiak grabatu eta diskoa atera genuen Lizarriturri taldeko txistulariok 2010. urtean Ramon Esnaolaren musikak izenpean.
Gure taldearentzat pertsona garrantzitsua zen Ramon eta horregatik atal berezi bat eskaini nahi izan genion Urretxuko Txistulari Taldea 1960-2010 izeneko liburuan. Blog honetan ere irakurri dezakezue Ramon Esnaolaren bizitzari eta ibilbideari buruzko testu hori.
Aspaldiko hilabete hauetan pattal xamar zebilen; urteak ere aurrera zihoazen eta gorputzak ez zion nahi bezala erantzuten. Azkenean, 97 urte betetzeko hilabete eskas falta zitzaionean joan zaigu.
Horrelakoetan esan ohi den bezala, agur eta ohore maisu!
5 de agosto de 2012
Urretxuko txistularien beste kolaborazio batzuk
Txistua
dantzarako musika tresna izan da mendeetan. Horixe izan da bere funtzio nagusia
eta Urretxuko txistulari taldearen sorrerak ere hori zuen helburu hasiera
batean, herrian sortu nahi zuten dantza taldeari jotzea. Izan ere, 1960ko urte
hartan txistulari taldea sortzeaz gainera, dantzari talde bat ere sortu zuten.
Isidro Azkarate izan zen haien arduraduna urteetan eta txistularien taldeko
kideek, Jose Antonio Chicok eta Jose Lizarraldek, besteak beste, jotzen zuten
haiekin.
Ondoren,
Lurra eta Irrintzi sortu ziren eta bi talde hauekin ere izan dute harremana
Urretxuko txistulariek. Kasu batzuetan, txistulariak dantzari ere izan direlako
eta, besteetan, talde horietan txistua eta atabala jotzen aritu direlako.
Lurran,
esate baterako, Jose Mari Zaldua Urretxuko txistularia aritu zen jotzen 70eko
hamarkadan hainbat urtez. Urte batzuk geroago, berriz, Javier Plazaola, Javi
Garcia de Andoin, Asier Azarola eta Aitor Bastarrika izan ziren dantza talde
horretako txistulari edo atabalariak, denak Urretxuko Txistulari Taldeko kide
izandakoak.
Irrintzin
ere talde honetako txistulari eta atabalari asko ibili ziren 70eko eta 80ko
urteetan, Jose Mari Lasa lehendabizi, eta geroago baita Marianti Salegi, Luisi
Esnaola, Iñaki, Jose Mari eta Juan Manuel Kerejeta, Miguel Lasa, Jabi
Burdaspar, Lurdes Elgarresta, Unai Izagirre eta beste hainbat lagun ere.
![]() |
| Irrintzi dantza taldea, Santa Anastasiatako alardean |
![]() | |||||
| Lurra dantza taldea, Santa Anastasiatako alardean |
Santik
esaten zuen bezala, lagun asko egin dituzte Euskal Herri osoan Urretxuko
txistulariek musika tresna honi esker. Urtero antolatzen duten kontzertu
nagusira inguruko herri askotako txistulariak etortzen dira eta urretxuarrak
ere joaten dira herri horietan egiten dituztenetara. Besteak beste, beti izan
dira Zumarragan, Legazpin, Beasainen, Idiazabalen, Donostian, Ordizian, Oñatin,
Tolosan... Eta lagun handiak dituzte baita ere Seguran, Antzuolan eta beste
zenbait lekutan.
Bestalde,
Euskal Herriko Txistulari Elkarteko kide ere badira gure taldekoak eta honek
urtero antolatzen dituen ekitaldietan izaten saiatzen dira. Horri esker ezagutu
dituzte eta harremana egin dute beste txistulari askorekin.
Horrez
gainera, elkartearen babesa ere sarritan jaso izan dute. 1987an, esate
baterako, Urretxun egin zen, elkarteak antolatuta, Isidro Ansorena Euskal
Herriko Txistulari Txapelketa. Handik urte batzuetara, 1997an, elkartearen
zilarrezko domina eman zioten Santiri, urteetan zehar egindako lana eskertzeko.
Eta aurten, taldearen 50. urteurrena ospatzeko, Urretxun egin zuten urteroko
batzar orokorra.
Aurrera
jarraituz, ezin aipatu gabe utzi Iparragirre-Balerdi musika tailerra ere.
Urtean hiruzpalau aldiz elkarrekin jo ohi dute bi taldeek: Santa Anastasia
jaiei hasiera emateko, San Martin egunean eta Gabonetako kontzertuan. Hori dela
eta, elkarri lagundu izan diote partiturak egokitzen edo bestelako hainbat
gauzatan, bai Ramon Esnaola zuzendari zenean, baita orain Jesus Castillejo
zuzendari dela ere.
Goiargi
abesbatzari dagokionez, lehen komentatu dugu txistularien kontzertuan parte
hartzen duela urtero. Horrez gainera, urtean zehar beste emanaldi batzuk egiten
dituzte elkarrekin. Gabonetan eta Santa Ageda egunean, adibidez, kalera irteten
dira kantatzera. Eta herriko bi parrokietako abesbatzekin ere jarduten dute
gure txistulariek, hala eskatzen dietenean.
Suscribirse a:
Entradas (Atom)


