21 de enero de 2015

Eskerrik asko, Andoni eta Uxue, txistulariokin gogoratzeagatik!

Azaroan kontatu genizuen Urretxuko txistulariak Zaldibarko trikitixa lehiaketan ere izango zirela. Andoni Oruesagasti txistulari, dantzari eta dultzaineroa izateaz gainera, trikitilaria ere bada; eta Uxue Kerejetarekin batera hartu zuen parte Bizkaiko herrian antolatzen duten lehiaketan.

6. postuan gelditu ziren eta oso gustora zeuden biak; batik bat, ondo pasa zutelako, lasai jo zutelako eta lagun berriak egiteko aukera izan zutelako.

Aste honetan, Andoni eta Uxueren aktuazioko hainbat bideo eskegi dituzte Youtuben Txoko Musikala blogeko arduradunek. Guk Porrusalda aukeratu dugu hemen erakusteko. Letretan familiakoei eta Edurne Iturbe irakasleari eskerrak emateko aprobetxatu zuen bikoteak, eta gurekin eta Irrintzi dantza taldeko lagunekin ere gogoratu ziren! Eskerrik asko bikote!!




No hay comentarios:

Publicar un comentario